Það virðist allavega á yfirborðinu rétt í tækatíð fyrir jólahátíðarnar þá sýnist manni sem svo að allir eða flestir leikarar á stóra sviðinu í streymisstríðinu hafi samið einhverskonar frið.
Roku og HBO/Warner Media hafa samið um aðgang þess síðarnefnda að 46 milljón viðskiptavinum þess fyrrnefnda. Hugsanlega hjálpaði ákvörðun HBO að frumsýna nokkrar stórar myndir samtímis á streymi og í kvikmyndasölum.
Apple og Google virðast einnig hafa samið nokkruskonar frið, Apple TVplus appið mun birtast á Android TV platforminu snemma á næsta ári, það rétt eftir að Apple Music þjónustunni var hleypt af stokkunum á Android. Verður Apple TVplus mér vitanlega þriðja app Apple á Android.
Nú er bara að bíða og sjá hvort sú staðreynd að Google fann leið til að veita Stadia þjónustu á iOS framhjá Appstore reglum Apple hafi einhver áhrif á þennan nýfundna frið á milli fyrirtækjanna.
Svona rétt til að viðhalda einhverskonar “venjulegheitum” þá eru Apple og Facebook í stríði þessa dagana.
