Smá Android Chrome “leikur” fyrir alla sem nenna og hafa áhuga á. Leyfðu mér að kynna Floom, jebb Floom.
Floom er eins og ég sagði, Chrome tilraun, aðeins í boði á Android.
- Leyfir okkur að horfa í gegnum jörðina með því að opna sýndargöng yfir á hina hliðina á jörðinni. Beint úr vafranum á símanum þínum.
- Tólið nýtir sér AR getu símans þíns ásamt Google Maps til að birta þessa töfra.
- er í boði á öllum nýjustu Android útgáfum, svo á meðan þú ert að keyra nýjustu útgáfu Chrome á Android símanum þínum þá er þetta í boði. Þarft ekki að sækja nokkurn hlut vegna þessa.
Þú þarft aðeins að opna Floom vefsíðuna og beina myndavél símans þíns að gólfinu.
Aðein að staðsetja þessa ormholu einhversstaðar á gólfið þitt og sjá!
Þetta er magnað, hér sjáum við dásamlegt svæði á Madagaskar. Það þarf aðeins að hreyfa símann aðeins og skoða sig um, með smá fikti þá dettur maður t.d. í Atlantshafið 😀
Þegar við höfum “grafið” okkur holu getum við hreyft okkur um og skoðað í kringum okkur frá hvaða sjónarhorni sem hægt er að hugsa sér. Það er raunverulega eitthvað að sjá.
📌 Floom er aðeins í boði á Android. Ef við viljum upplifa eitthvað svipað í tölvu – eða jafnvel á iOS tæki, er hægt að skoða vefsíðu sem heitir Antipodes Map. Sú síða býður ekki sömu ofurraunhæfu AR-áhrifin, en það gerir okkur kleift að leita að ákveðnum stöðum og opna síðan gagnvirkt kort af því sem er undir þeim hinum megin á jörðinni.
Njótum þess að kanna. Magnaðar nýjar leiðir til að sjá heiminn okkar…
Tæknin maður.
