Til að byrja með vil ég þakka Sævari fyrir allt sem hann hefur gert fyrir mig í gegnum tíðina, það er nefnilega ekki alveg sjálfsagt. Eins vil ég þakka Edda fyrir að taka við af Sævari að hjálpa mér og nú tekur við dagbókarform á nýjum stað undir sama merki, einhversstaðar las ég “same shit different bowl” . Í tilefni af þessum flutningum er hérna komið lag dagins. Það er nú bara þarna komið vegna viðlagsins en engu að síður. Frábært lag og alls ekki svo slæm plata.
Ég hef reyndar frá upphafi verið veikur fyrir henni Emilíönu Torrini, þannig að kanski er það bara viðeigandi.
Eftir rúmlega 5 og hálft ár stefnir í að ég flytji elmarinn.net um set, það er ekki vegna þess að ég sé eitthvað ósáttur við minn kæra vin, heldur frekar það að hann er á leiðinni í land Haraldar Hárfagra og getur ekki hýst þetta raus mikið lengur, en þar sem að ég er svo ríkur af vinum þá mun þetta blogg lifa áfram. Ég vil nota tækifærið og þakka Sævari kærlega fyrir allt sem hann hefur gert fyrir mig hingað til og hér eftir og ég vona að hann komi til með að finna það sem hann er að leita að í landi Haraldar.
Eins og svo oft áður hefur komið fram þá er ég mjög mikill aðdáandi Moleskine bókanna og held á tveimur til þremur á hverjum degi, svona til að halda utan um daginn minn. Hér er að finna skemmtilegann lista yfir það sem hinir og þessir hafa verið að gera til að modda Moleskin bókina sína svo að hún nýtist þeim betur.
Hver veit, kanski þegar fram í sækir stendur fólk fyrir framan myndir af grænu bílastæðunum í Reykjavík og hlær, hvílík fásinna að stinga bílnum í samband, spanhleðsla er málið. Áhugavert stöff fyrir þá sem nenna.
Já það er svo heitt hérna núna að þegar maður er kominn í nærbrækur er maður of mikið klæddur, ég drekk og drekk en það rennur bara jafn óðum úr líkamanum á mér. Þetta var gaman í smá tíma, en nú er komið nóg af svo góðu, 35+° er full mikið af því góða fyrir minn smekk.
Maður á að gera sem allra allra minnst í sumarfríi, hitta fólk, lesa, slappa af, hlusta á tónlist, borða osta og drekka vín. Ég er búinn að lesa eina bók, Alone in Berlin, stórkostleg bók í alla staði. Núna hefst lestur á La catedral del mar. Hef heyrt fullt af góðum hlutum um hana og ég hlakka mikið til að byrja á henni.
