elmarinn.net….

Verulega skemmtilegt video tekið upp í Reykjavík 1926, skemmtilegar myndir þarna.

Í dag var gert víðreist um suðurlandið, upphaflega var áætlað að fara í Skaftholt í opið hús og versla ostinn góða. En fljótlega snerist ferðin uppí eitthvað annað og meira, við fórum á Búrfell, stoppuðum í Staftholti þar sem við gátum verslað okkur dýrindis ost, grænmeti  og egg, við kíktum við á Flúðum, Geysi, Laugarvatni, keyrðum Lyngdalsheiðina til Þingvalla og síða heim. Frábær sunnudags rúntur á laugardegi.

Hún Jenný Anna Baldursdóttir á klárlega tilkall til þessa titils, að öðrum ólöstuðum.

Svona í tilefni af því að LA er að fara að byrja sýningar á Rocky Horror Picture Show og við Steffi gerum ráð fyrir að fara á þá sýningu í haust er hérna komið lag dagsins, það er að vísu af nógu að taka en þetta er viðeigandi samt.

Verð að segja að ég hlakka talsvert til

Alveg finnst mér Menningarnótt frábært fyrirbæri, þó svo að mér finnst sumar breytingarnar sem á henni hafa orðið séu ekki til bóta, það er að segja “stór” breytingarnar, “stór” tónleikar, “stór” þetta og “stór” flugeldasýning. Útum allann bæ er fullt af “smá” viðburðum sem ég get ekki beðið eftir að kíkja á, reyndar verð ég staddur í skólanum fyrstu klukktímana en ef veðrið verður eins og er spáð þá geri ég ráð fyrir að hjóla í skólann og síðan áfram niður í bæ til móts við litlu fjölskylduna mína þegar honum lýkur.

Ég er einn þeirra fjölmörgu sem hafa gaman af gönguferðum um borgina, hún er einfaldlega falleg og skemmtileg, en einhver lenska virðist vera að setja listaverk á staði þar sem enginn fær að njóta þeirra, eða amk. setja þau á staði þar sem maður þarf að kämpa på til að finna þau og skoða, hér er snilldar síða til að amk. átta sig á hvað það er mikið af útilistaverkum í borginni. Ljómandi alveg hreint.

Núna um helgina byrjar skólinn hjá mér aftur, ég hlakka alltaf mikið til að byrja. Það má með góðri samvisku segja að ég get ekki hugsað mér mikið uppbyggilegra áhugamál.

Til að byrja með vil ég þakka Sævari fyrir allt sem hann hefur gert fyrir mig í gegnum tíðina, það er nefnilega ekki alveg sjálfsagt. Eins vil ég þakka Edda fyrir að taka við af Sævari að hjálpa mér og nú tekur við dagbókarform á nýjum stað undir sama merki, einhversstaðar las ég “same shit different bowl” . Í tilefni af þessum flutningum er hérna komið lag dagins. Það er nú bara þarna komið vegna viðlagsins en engu að síður. Frábært lag og alls ekki svo slæm plata.

Ég hef reyndar frá upphafi verið veikur fyrir henni Emilíönu Torrini, þannig að kanski er það bara viðeigandi.

Eftir rúmlega 5 og hálft ár stefnir í að ég flytji elmarinn.net um set, það er ekki vegna þess að ég sé eitthvað ósáttur við minn kæra vin, heldur frekar það að hann er á leiðinni í land Haraldar Hárfagra og getur ekki hýst þetta raus mikið lengur, en þar sem að ég er svo ríkur af vinum þá mun þetta blogg lifa áfram. Ég vil nota tækifærið og þakka Sævari kærlega fyrir allt sem hann hefur gert fyrir mig hingað til og hér eftir og ég vona að hann komi til með að finna það sem hann er að leita að í landi Haraldar.