Bjórást.
Ég hef aldrei, hvorki hér né annarsstaðar farið leynt með dálæti mitt á góðum bjór, í dag er IPA bjór í sérstöku uppáhaldi, og þá set ég Úlf frá Borg Brugghús þar efstan í pýramidann.
En í gær tók ég þetta dálæti mitt á nýtt plan, ég fór s.s. að brugga, við Andrés tókum þann pólinn í hæðina að sennilega væri einfaldast að byrja á einhverju eins og hveitibjór, og var hann soðinn í gær og kominn í gerjun í dag. Sjáum hvað setur, 20 L skamtinum var skippt í tvennt vegna þess að við töldum fyrstu lögun alltaf klikka, enda væri sennilega frekar aumt að hitta ákkúrat í mark í fyrstu tilraun, að hverju er þá að stefna? Þriðjudag eftir rúma viku munum við fara í átöppun og þá er bara vika í bið eftir niðurstöðum. Hlakka til.
Jákvæða fréttin
Í gær á leið heim úr vinnunni hjólaði ég 25 km. sem er talsvert afrek þegar hugsað er til þess að ég bý 500m frá vinnunni minni, en þessi hjólatúr tók mig framhjá Nauthólsvík, í gegnum Fossvogsdal og fleira, það verður að segjast eins og er að þær framkvæmdir sem borgin hefur staðið fyrir undanfarið, bæði í formi reiðhjólastíga en líka útivistarsvæða eru alveg hreint til fyrirmyndar, ég hlakka til sumarsins og að fara að nýta mér þessa aðstöðu sem búið er að byggja upp fyrir mig.
Það þýðir ekki
Varúð, hér á eftir kemur pólitískt rant. Ef þú vilt ekki lesa það skaltu bara hætta núna.
Nei það þýðir ekki að fara í fýlu þegar hlutirnir fara ekki eins og til var ætlast, núna upphefst grátkór andstæðinga IceSave III um dónaskap og óbilgirni ESB gagnvart okkur íslendingum, sami kór og söng að dómstólaleiðin væri alveg örugg, sami kór og sagði ESB og EFTA dómstólinn aldrei þora í mál við okkur, að við værum með öll trompin og allt hitt bullið, við buðum upp í þennan dans, undir þessu lagi með þessum dansfélaga, nú þegar við fengum nákvæmlega það sem þið báðuð um, megið þið ekki fara að kvarta undan því, það er ekki hægt að finnast bæði betra segi oft við dóttur mína, og það er nákvæmlega það sem þarf að segja ykkur núna. Þorsteinn Pálsson hittir naglann þráðbeint á höfuðið í pistli í Fréttablaðinu í dag.
Það að mér komi núverandi staða ekki á óvart þýðir ekki, eins og margir ykkar eigið eftir að hugsa núna, að ég standi ekki með íslandi og málstað þess, en það breytir því ekki að núverandi staða málsins kemur mér nákvæmlega ekkert á óvart, ég spáði þessu í rökræðum við vini mína fyrir síðustu þjóðaratkvæðagreiðslu og enn og aftur virðast áhyggjur mínar hafa reynst réttar. Skulum bara vona að Þrotabúið geti farið að greiða þessa skuld upp sem allra allra fyrst til að málið hverfi á þeim forsendum.
Hjólreiðar í kortunum
Veðurspá komandi daga bendir til mikilla hjólreiða af minni hálfu. Einn af ókostum flutninga Mílu á S30 er að ég er ekki nema ca 500 m frá vinnunni minni, en það þýðir í raun að ég þarf að finna mér nokkra hringiu uppá ca 15-20 km sem hefjast á G22 og enda í S30. Það er jú einn af kostum þess að búa hérna megin Elliðaáa að frambærilegir hjólastígar eru normið frekar en hitt, en til að hjálpa mér við leitina að góðum reiðhjólastígum þá kemur Ride The City að góðum notum. Þó að mér finnist að Reykjavíkur borg hefði mátt gera meira í að halda utan um það verkefni og koma því í hendurnar á einhverjum sem þykir vænt um það.
Það hefur orðið reiðhjólavakning í Reykjavík síðustu 2-3 ár, og ekki bara til útivistar, heldur er fólk farið að uppgötva það að þetta er ljómandi leið til að koma sér á milli staða, sér í lagi í borg sem ekki er stærri en Reykjavík. Þegar litið er til Reykjavíkur vestan Elliðaáa má segja að kjörlendi sé til hjólreiða, tiltölulega flatlend, sæmilega gróin, ekki of heitt eða of kalt. Það vantar bara smá herslumun til að fólk uppgötvi þennan ferðamáta, en átök eins og Hjólað í Vinnuna eru til allra hluta nytsamleg þegar kemur að vitundarvakningu.
Union City Blue
Fyrir þá sem horfðu á HM-stofuna á RÚV fyrir tveimur árum, þá varð þessi slagari Blondie ógleymanlegur, í hvert sinn sem ég heyri introið þá sé ég í huganum klippur úr leikjum dagsins og Vuvuzela lúðra. Það er nefnilega synd, lagið er stórskemmtilegt. Synd að tengja það bara HM í fótbolta í Suður Afriku.
Mér datt þetta nefnilega í hug þegar ég var að taka aðeins til í Google Music safninu mínu (btw, hefði betur ráðið mér sumarstarfsmann í það verk að editera tögg í mp3 skrám sem búið er að uploada á Google music, það er kleppur) þá rakst ég á þessa stórskemtilegu plötu Eat to the beat. Hún rúllar núna á Google Music.
Akkúrat fimm ára.
Fyrir akkúrat 5 árum fæddist stóra stelpan mín, stelpan sem hefur gert líf okkar ríkara en okkur hefði órað fyrir. Hún kom okkur á óvart þessi elska, eins og svo oft síðan, tveim vikum fyrir tímann. Ég man að ég var á leiðinni á Eldsmiðjuna að sækja Pizzu þegar Steffi hringdi í mig og tilkynnti mér að ég þyrfti að vera fljótur það væri nefnilega kominn pollur á gólfið okkar. Til hamingju með daginn þinn engillinn minn.
Recent Comments